கேரள யானை கரூரில் சாவு

கரூர்:

கேரள மாநிலம் ஒட்டப்பாலத்திலிருந்து, கரூர் ஐயப்பன் கோவிலுக்குக் கொண்டு வரப்பட்ட ஆண் யானை புதன்கிழமை இறந்தது.

இதுகுறித்து கோவில் அதிகாரிகள் தெரிவிக்கையில், யானைக்கு வயிற்றுப்போக்கு ஏற்பட்டதைத் தொடர்ந்து அது கால்நடை மருத்துவமனைக்குக்கொண்டு செல்லப்பட்டது. ஆனால் சிகிச்சை பலனின்றி இறந்தது.

யானையின் உடல் இறுதிச் சடங்குக்காக லாரி மூலம் ஒட்டப்பாலத்திற்குக் கொண்டு செல்லப்பட்டுள்ளது என்றனர்.

இந்த யானைக்கு வயது 30 ஆகிறது. கரூர் ஐயப்பன் கோவிலில் நடந்த பூஜைக்காக கொண்டு வரப்பட்டிருந்தது.

இந்த யானை தமிழில் ரஜினிகாந்த் நடித்த முத்து, மலையாளத்தில் மோகன்லால் நடித்த நரசிம்மம் உள்பட பல படங்களில் நடித்துள்ளது குறிப்பிடத்தக்கது.

யு.என்.ஐ.