ஹாலிவுட் படத்தைப் பார்த்து சிகரெட் குடிக்கும் இளைஞர்கள்

லண்டன்:

ஹாலிவுட் நடிகர்கள், தாங்கள் நடிக்கும் படங்களில் சிகரெட் குடிப்பதால், அதைப் பார்த்து அதே ஸ்டைலில் இளைஞர்களும் சிகரெட் குடிக்கிறார்கள்.

நடிகர்கள் படத்தில் நடிப்பதற்காகக் குடிக்கும் சிகரெட், இளைஞர்களை சிகரெட் குடிக்க ஊக்குவிப்பதாக உள்ளது என்று அமெரிக்க ஆய்வுகள்தெரிவிக்கின்றன.

1988 முதல் 1997 ம் ஆண்டு வரை வெளியாகி, பாக்ஸ் ஆபிஸ் ஹிட்டான 25 படங்கள் ஆய்வுக்காக எடுத்துக் கொள்ளப்பட்டது. இந்தப் படங்களை டாக்டர்ஜேம்ஸ் உள்பட பல டாக்டர்கள் ஆய்வு செய்தனர்.

அவர்கள் ஆய்வு முடிவில் தெரிவித்த விவரம் வருமாறு:

இந்தப் படங்களில் நடித்த 85 சதவீதத்திற்கும் மேற்பட்ட நடிகர்கள், நடிகைகள் சிகரெட் குடிக்கிறார்கள். மேலும் இந்தப் படங்கள் சிகரெட் குடிப்பதுதவறில்லை என்ற தவறான எண்ணத்தை மக்களிடையே குறிப்பாக இளைஞர்களிடையே பரப்பி விடுகிறது.

ஹோம் அலோன் 2, கின்டர்கார்டன் காப், மை பெஸ்ட் பிரென்ட் வெட்டிங், தி நாட்டி புரொபசர் போன்ற படங்கள் 200 நாட்களைத் தாண்டி ஓடிய படங்கள்.இந்தப் படங்களில் நடித்த நடிகர்கள் வெகு ஸ்டைலாக சிகரெட் பிடித்தது ஏராளமான இளைஞர்களைப் பாதித்துள்ளது. அதாவது நாமும் இதே போல் சிகரெட்குடித்தால் என்ன என்ற விபரீத எண்ணத்தை ஏற்படுத்தியுள்ளது.

ஹாலிவுட் படங்களில் காட்சிகளுக்கு மிக அத்தியாவசியத் தேவை ஏற்பட்டாலொழிய சிகரெட் குடிக்கும் காட்சி அமையக் கூடாது என்று தடைவிதிக்கப்பட்டிருந்தும், திரைப்படத் தயாரிப்பாளர்கள் அதை மீறி நடந்து கொள்கிறார்கள்.

இளைஞர்களும் தங்களுக்குப் பிடித்தமான நடிகர்கள் சிகரெட் குடித்தால், அதே போல் தாங்களும் குடிப்பதை கெளரவமாகவே நினைக்கிறார்கள் என்றுஅந்த அதிர்ச்சிக்குள்ளாக்கும் அந்த ஆய்வு முடிவுகள் தெரிவிக்கின்றன.