60 இடங்களில் பா.ஜ.க.வுக்கே வெற்றி

வேலூர்:

தமிழக சட்டசபைத் தேர்தலில் பாரதிய ஜனதா கட்சி 60 இடங்களில் வெற்றி பெறும் என்று மத்திய விளையாட்டுத்துறை அமைச்சர்பொன்.ராதாகிருஷ்ணன் தெரிவித்தார்.

வேலூரில் நடந்த பா.ஜ.க.மாநில தேர்தல் பயிற்சி முகாமில் கலந்து கொண்டு அவர் பேசியதாவது:

விளையாட்டுத் துறைக்காக அடுத்த ஆண்டில் கூடுதல் நிதி ஒதுக்க நடவடிக்கை எடுக்கப்பட்டு வருகிறது. தமிழகத்தில் 381 கிராம பள்ளிகளில் விளையாட்டுமைதானம் அமைக்க மாநில அரசு நிதி கோரியது. அதன்படி முதற்கட்டமாக 32 பள்ளிகளில் மைதானம் அமைக்க ரூ 50 லட்சம் ஒதுக்கப்படவுள்ளது.

மத்திய அரசின் கட்டுப்பாட்டில் ஸ்ரீபெரும்புதூரில் இயங்கி வரும் ராஜீவ் காந்தி தேசிய பயிற்சி இளைஞர் முன்னேற்ற மையம் மேலும் திறம்படசெயல்படுவதற்கான நடவடிக்கைகள் மேற்கொள்ளப்பட்டுள்ளன.

வரும் சட்டசபைத் தேர்தலில் தமிழகத்தில் 60 இடங்களில் பாரதிய ஜனதா கட்சிக்கு வெற்றி வாய்ப்பு பிரகாசமாக உள்ளது என்றார் அவர்.