சென்னை டூ சேலம் .. சொகுசு பஸ் அறிமுகம்

சென்னை:

பயணிகளின் வசதியைக் கருத்தில் கொண்டு சென்னையிலிருந்து சேலத்துக்கு சொகுசு பஸ்களை விட தமிழ்நாடு அரசு போக்குவரத்துக் கழகம் திட்டமிட்டுள்ளது.

சொகுசுப் பேரூந்தில் உள்ள இருக்கைகள் உயரமாகவும், சாய்வாகவும் இருக்கும். இதனால் பயணிகள் எளிதில் சாய்ந்து ஓய்வாக பயணம்மேற்கொள்ளலாம்.

மேலும் இருக்கைகளின் சாய்வான பகுதியில் திண்டு வடிவமைப்புக்கள் உள்ளதால் பயணத்திற்குப்பின் பயணிகளுக்கு முதுகுவலி ஏற்படாது.

இந்தப் பேரூந்தில் குறைவான சாலை அதிர்வுகள் கொண்ட வசதி செய்யப்பட்டுள்ளது. பயணத்தின் போது இன்ஜின் சப்தம், வெப்பம் போன்றவை பெரிதும்குறைவாக இருக்கும்.

பஸ்சின் நடைபாதை அகலமாகவும், படிக்கட்டுக்கள் அகலமாகவும் அமைக்கப்பட்டுள்ளது. இன்ஜினுக்கு அருகில் நிற்கக் கூடிய பயணிகளுக்கு வசதியாககூடுதல் இடவசதியும் அளிக்கப்பட்டுள்ளது.