முதலிடத்தில் லியாண்டர் பயஸ்

டெல்லி:

இந்திய டென்னிஸ் ராங்கிங்கில் ஆண்கள் பிரிவில் லியாண்டர் பயஸ் முதலிடம்பெற்றுள்ளார். பெண்கள் பிரிவில் நிரூபமா வைத்தியநாதன் முதலிடம் பெற்றுள்ளார்.

சென்ற ஆண்டு நடைபெற்ற டென்னிஸ் போட்டிகளில். இந்திய டென்னிஸ் வீரர்கள்,வீராங்கனைகளின் வெற்றி, தோல்விகளின் அடிப்படையில் டென்னிஸ்ராங்கிங்குகளை அகில இந்திய டென்னிஸ் கூட்டமைப்பு வெளியிட்டது.

அதன்படி ஆண்கள் பிரிவில் லியாண்டர் பயஸ் முதலிடம் பெற்றார். இரண்டாம்இடத்தை வினோத் ஸ்ரீதர் பிடித்தார். மூன்றாவது இடத்தை விஜய் கண்ணனும்,நான்காவது இடத்தை ஹர்ஷ் மன்கட்டும் ஐந்தாவது இடத்தை சையத் ஃபசலுதீன்ஆகியோரும் பிடித்துள்ளனர்.

முன்னணி வீரர் மகேஷ் பூபதி முதல் ஐந்து இடத்திற்குள் இடம் பெறத் தவறினார்.

பெண்கள் பிரிவில் நிரூபமா வைத்தியநாதன் முதலிடம் பெற்றார். இரண்டாமிடம் சாய்ஜெயலட்சுமிக்கும், மூன்றாவது இடம் மனீஷா மல்ஹோத்ராவுக்கும், நான்காவது இடம்சோனால் பாட்கேவுக்கும் கிடைத்தது.

சென்ற ஆண்டு நடந்த போட்டிகளின்படி 14 வயதுக்கு உட்பட்டவர்கள் மற்றும் 16வயதுக்கு உட்பட்ட ஆண், பெண்களுக்கும் ராங்கிங் அறிவிக்கப்பட்டது.