"மதச்சார்பற்ற ஜ.த. 10 இடங்களில் போட்டியிடும்

நாகர்கோயில்:

தமிழகத்தில் நடைபெறவிருக்கும் சட்டசபை தேர்தலில் மதசார்பற்ற ஜனதாதளம் 10 தொகுதிகளில் போட்டியிடும்என அக்கட்சியின் மாநில தலைவர் ஜி.ஏ. வடிவேலு தெரிவித்தார்.

இது பற்றி நாகர்கோவிலில் நிருபர்களுக்கு பேட்டியளித்த அவர், தமிழகத்தில் அ.தி.மு.க. தலைமையிலானகூட்டணியில் மதச்சார்பற்ற ஜனதாதளம் தொடர்ந்து நீடிக்கும்.

சட்டசபை தேர்தலில் 30 இடங்களில் எங்களது கட்சி வெற்றி பெறும். 10 தொகுதிகளில் அ.தி.மு.க. ஆதரவுடன்போட்டியிடுவோம். தொகுதி பங்கீடு குறித்து தேர்தல் தேதி அறிவிக்கப்பட்ட பின். அ.தி.மு.க. பொதுச் செயலாளர்ஜெயலலிதாவுடன் பேச்சு வார்த்தை நடத்தவிருக்கிறோம்.

அ.தி.மு.க. ஆட்சியில் நாங்கள் பங்கு கேட்க மாட்டோம். தேர்தலுக்கு வேட்பாளர்கள் தேர்வு குறித்து மதுரை,தருமபுரி, சென்னை மற்றும் கோயம்புத்தூரில் ஆலோசனை கூட்டம் விரைவில் நடத்தப்படும். கட்சி நிர்வாகிகள்தொண்டர்கள் கருத்துக்களை கேட்ட பின் வேட்பாளர்கள் தேர்வு செய்யப்படுவார்கள்.

கர்நாடகாவில் ஜனதா தளத்திலிருந்து பிரிந்து சென்றவர்கள் மீண்டும் ஜனதா தளத்தில் இணைந்துள்ளனர்.தமிழகத்திலும் பிரிந்து சென்றவர்கள் மீண்டும் இணைய வேண்டும். விவசாயிகள் நலனுக்காக போராடுபவர்களைமதச்சார்பற்ற ஜனதா தளம் தொடர்ந்து ஆதரிக்கும் என கூறினார்.