தி.க. கொடியை வடிவமைத்தவர் யார்?

குடியாத்தம்:

திராவிடர் கழகக் கொடியை வடிவமைத்தவர் கருணாநிதி இல்லை என அ.தி.மு.க. மகளிரணி செயலாளர் சுலோசனா சம்பத் கூட்டத்தில் கூறினார்.

எம்.ஜி.ஆர்.பிறந்தநாள் பொதுக்கூட்டம் குடியாத்தத்தில் நடந்தது. இதில் கலந்து கொண்டு அ.தி.மு.க.மகளிர் அணி செயலாளர் சுலோசனா சம்பத்பேசியதாவது:

கருணாநிதி, ஜெயலலிதா மீது பொறாமை கொண்டவர். அதனால் ஆத்திரம் கொண்டு ஜெயலலிதாவிற்கு துன்பம் விளைவித்து வருகிறார். பெண் என்றும்,முன்னாள் முதலமைச்சர் என்றும் பாராமல் ஜெயலலிதாவை 28 நாட்கள் சிறையில் அடைத்தார்.

அரசின் விளம்பர டாக்குமென்ட்ரி படங்களில் திராவிடர் கழக கொடியை வடிவமைத்தவர் கருணாநிதி என்று சொல்கிறார்கள். அப்போது சேலம்மாநாட்டில் நீதிக்கட்சியாக இருந்தது திராவிடர் கழகமாக மாறியது. அப்போது ஈரோடு சண்முகவேலனார் திராவிடர் கழக கொடியை வடிவமைத்தார்.

இந்த வரலாறு தெரியாமல் கருணாநிதி திராவிட கழக கொடியை வடிவமைத்ததாக பொய்யான தகவலை அளிப்பது தவறு என்றார் சுலோசனா சம்பத்.