புற்று நோயால் வாடும் சிறுவனுக்கு உதவுகிறார் கங்குலி

கொல்கத்தா:

இந்திய கிரிக்கெட் அணி கேப்டன் செளரவ் கங்குலி ரத்த புற்று நோயால்பாதிக்கப்பட்டுள்ள சிறுவனுக்கு உதவுகிறார்.

பித்ரின் சக்ரவர்த்தி என்ற 10 வயது சிறுவன் ரத்த புற்று நோயால் பாதிக்கப்பட்டுள்ளார்.அந்த சிறுவனுக்கு எலும்பு மஜ்ஜை மாற்று அறுவை சிகிச்சை டாடா நினைவுமருத்துவமனையில் நடைபெற இருக்கிறது. அந்த சிறுவனுக்கு இந்த அறுவை சிகிச்சைஉடனடியாக செய்யப்பட வேண்டிய சூழ்நிலை உள்ளது.

இந்த அறுவை சிகிச்சைக்கான பண உதவி செய்வதற்காக இந்திய கேப்டன் கங்குலிதனது பேட் மற்றும் கிரிக்கெட் விளையாட பயன்படுத்தும் மற்ற பொருட்களையும் இந்தமாதம் ஜனவரி மாதம் 30-ம் தேதி ஏலமிட உள்ளார். இதன் மூலம் பெறும் பணத்தைசக்ரவர்த்தியின் சிகிச்சைக்கு கொடுத்து உதவ இருக்கிறார் கங்குலி.

யு.என்.ஐ.