லதா மங்கேஸ்கருக்கு பாரத ரத்னா விருது

புதுடெல்லி:

பிரபல பாடகி லதா மங்கேஸ்கர் மற்றும் ஷெனாய் இசைக் கலைஞர் பிஸ்மில்லாகான் ஆகியோர் இந்த ஆண்டிற்கான பாரத ரத்னா விருது பெறுகின்றனர்.

தபேலா கலைஞர் உஸ்தாத் அலிகான், ஜெர்மன் வாழ் இந்திய இசையமைப்பாளர் ஜூபின் மேத்தா ஆகியோருக்கு பத்மவிபூஷண் விருது வழங்கப்படுகிறது.

டாக்டர்.சி.வி.நரசிம்மன் - ஐ.நா.சபைக்கான முன்னாள் துணை பொதுச் செயலாளர், மும்பைப் பேராசிரியர் மன்மோகன் சர்மா, சினிமாத் துறையைச் சேர்ந்தஹிரிஷிகேஷ் முகர்ஜி உள்பட 11 பேர் பத்ம விபூஷண் விருதுக்கு தேர்ந்தெடுக்கப்பட்டுள்ளனர்.

பிரபல இந்தி நடிகர்கள் அமிதாப்பச்சன், தேவானந்த், சினிமா தயாரிப்பாளர் பி.ஆர்.சோப்ரா, செஸ் ஆட்டக்காரர் விஸ்வநாதன் ஆனந்த், பிரதமர் வாஜ்பாய்க்குமூட்டு மாற்று அறுவை சிகிச்சை செய்த டாக்டர் சித்தரஞ்சன் ரனாவத், தொழிலதிபர் ராகுல் பஜாஜ், ஹோட்டல் அதிபர் எம்.எஸ்.ஓபராய்,பத்திரிக்கையாளர் அருண்பூரி உள்பட 32 பேருக்கு பத்மபூஷண் விருது வழங்கப்படுகிறது.

சினிமாத் துறையைச் சேர்ந்த பாடகர் எஸ்.பி.பாலசுப்பிரமணியன், நடிகர் மோகன் லால், ஹாக்கி வீரர் தன்ராஜ் பிள்ளை, டென்னிஸ் இரட்டையர்கள் லியாண்டர்பயஸ், மகேஸ் பூபதி, செயற்கை கோள் விஞ்ஞானி டி.பி.ராவ், மும்பை டாக்டர் தேஷ்பாண்டே உள்பட 66 பேருக்கு பத்மஸ்ரீ விருது வழங்கப்படுகிறது.