குடியரசு தினவிழாவில் முதல்வர், கவர்னர் பங்கேற்பு

சென்னை:

சென்னையில் நடைபெற்ற குடியரசு தினவிழாவில் கவர்னர் பாத்திமா பீவியும், முதல்வர் கருணாநிதியும் கலந்து கொண்டனர்.

காமராஜர் சாலை காந்தி சிலைக்கு அருகில் வெள்ளிக்கிழமை காலை 8 மணிக்கு கொடியேற்றும் விழா நடந்தது. காந்தி சிலைக்கு அருகில் கவர்னரைமுதல்வர் கருணாநிதி வரவேற்றார். பினனர் கவர்னர் தேசியக் கொடியேற்றி அணிவகுப்பு மரியாதையை ஏற்றுக் கொண்டனர்.

வீரதிரச் செயல்புரிந்தோருக்கான அண்ணா பதக்கம், கோட்டை அமீர் மத நல்லிணக்கப் பதக்கம், கள்ளச்சாராய ஒழிப்புக்கான உத்தமர் காந்தி காவலர்பதக்கங்களை முதல்வர் வழங்கினார்.

இதையடுத்து ராணுவம், கடற்படை, விமானப்படை, தேசிய மாணவர் படை, ரயில்வே பாதுகாப்புப் படை, கடலோரக்காவல் படை ஆகியோரது அணிவகுப்புதொடங்கியது.

அணிவகுப்பு கலங்கரை விளக்கம் வழியாக சென்னை பல்கலைக்கழகம் வரை செல்லும். அணிவகுப்பை காமராஜர் சாலையிலிருந்து பொதுமக்கள் பார்க்கமுடியும்.

யு.என்.ஐ.