நிதிக்கு ஏங்கும் நாகூர்-காரைக்கால் ரயில் பணி

சென்னை:

மத்திய அரசு நிதி ஒதுக்கியவுடன் நாகூர் - காரைக்கால் ரயில் பாதைக்கான பணிகள்தொடங்கும் என தென்னக ரயில்வே கூறியுள்ளதாக தமிழக போக்குவரத்துத் துறைஅமைச்சர் பொன்முடி சட்டசபையில் தெரிவித்தார்.

சட்டசபையில் செவ்வாய்க்கிழமை கேள்வி நேரத்தின் போது தி.மு.க. எம்.எல்.ஏ.குத்தாலம் கல்யாணம், நாகூர்- காரைக்கால் இடையே புதிய ரயில் பாதை போடும் பணிதொடங்க இருப்பது பற்றி மாநில அரசுக்கு தெரியுமா? என கேள்வி எழுப்பினார்.

இதற்கு தமிழக போக்குவரத்துத்துறை அமைச்சர் பொன்முடி தன் பதிலில் கூறியதாவது:

சென்ற 95-96-ம் ஆண்டு தாக்கல் செய்யப்பட்ட ரயில்வே நிதிநிலை அறிக்கையில்திருச்சி - தஞ்சாவூர்- காரைக்கால் அகல ரயில்பாதை திட்டம் இணைக்கப்பட்டது.

இந்த திட்டத்தின் ஒரு பகுதியாக நாகப்பட்டினம் முதல் காரைக்கால் வரை புதிய ரயில்பாதை அமைக்கப்படவிருக்கிறது. இந்த திட்டத்திற்கு தேவைப்படும் நிதியை ரயில்வேவாரியம் ஒதுக்கிய பின் பணிகள் தொடங்கும் என தென்னக ரயில்வே தெரிவித்துள்ளதுஎன கூறினார்.