இந்துஜா சகோதரர்கள் வெளிநாடு செல்ல தடை

டெல்லி:

64 கோடி ரூபாய் போபர்ஸ் ஊழல் வழக்கில் குற்றம் சாட்டப்பட்டுள்ள இந்துஜா சகோதரர்கள் வெளிநாடு செல்வதற்கு சி.பி.ஐ. சிறப்பு நீதிமன்றம் அனுமதிமறுத்துள்ளது.

ஐரோப்பிய நாடுகளில் வசிக்கும் இந்துஜா சகோதரர்கள் வெளிநாடு செல்வதற்கு அனுமதிக்கப்பட்டால் மீண்டும் இந்தியாவிற்கு வர மாட்டார்கள் என்றுதெரிவித்து சி.பி.ஐ.சிறப்பு நீதிமன்ற நீதிபதி அஜீத் பாரிகோக் அவர்களுக்கு அனுமதி மறுத்தார்.

இந்துஜா சகோதரர்களின் வக்கீலான உஜ்வல் அனில் சந்திர ரானா இது பற்றி கருத்து தெரிவிக்கையில், இது எதிர்பாராத தீர்ப்பு என்றார். இத்தீர்ப்பிற்குஎதிராக உயர்நீதிமன்றத்தில் வழக்குத் தொடுக்கப்படுமா என்று கேட்டதற்கு தீர்ப்பின் முழுவிவரம் தெரிந்த பின்னரே இது பற்றி முடிவெடுக்கப்படும்என்றார்.

யு.என்.ஐ.