ஆஸி. தொடர் .. இந்திய அணி 19-ம் தேதி அறிவிப்பு

மும்பை:

இந்தியாவில் சுற்றுப்பயணம் மேற்கொண்டு விளையாடவிருக்கும் ஆஸ்திரேலியஅணியுடன் முதல் டெஸ்ட் போட்டியில் விளையாடும்

இந்திய கிரிக்கெட் அணி 19-ம் தேதி அறிவிக்கப்பட இருக்கிறது.

ஆஸ்திரேலிய கிரிக்கெட் அணி இந்தியாவில் சுற்றுப்பயணம் மேற்கொண்டு டெஸ்ட்போட்டிகளிலும், ஒரு நாள் போட்டிகளிலும் விளையாட உள்ளது.

முதல் டெஸ்ட் போட்டி மும்பையில் பிப்ரவரி 27-ம் தேதி துவங்குகிறது இதில்விளையாடும் வீரர்கள் 19-ம் தேதி தேர்வு செய்யப்படவுள்ளனர்.

மார்ச் மாதம் 6-ம் தேதி முதல் 8-ம் தேதி வரை டெல்லியில் ஆஸ்திரேலியாவைஎதிர்த்து விளையாடும் போர்டு பிரசிடென்ட் அணியும் 19-ம் தேதி அறிவிக்கப்படும்என கிரிக்கெட் கட்டுப்பாட்டு வாரிய செயலரும், ஒருங்கிணைப்பாளரான ஜெயவந்த்லேலேயும், தேர்வுக் குழுத் தலைவர் சந்து போர்டேயும் தெரிவித்தனர்.

ஜெயவந்த் லேலே மேலும் கூறுகையில், 17-ம் தேதி முதல் 19-ம் தேதி வரை நாக்பூரில்நடைபெற இருக்கும் இந்திய ஏ அணிக்கு வி.வி.எஸ். லட்சுமண் தலைமை வகிப்பார்என கூறினார்.

இந்திய "ஏ அணி:

வி.வி.எஸ். லட்சுமண் (கேப்டன்), சடகோபன் ரமேஷ், சிவ சுந்தர் தாஸ், தினேஷ்மோங்கியா, ஹேமங் பதானி, முகமது கைப், நயன் மோங்கியா, தேபஷிஷ் மொஹந்தி,ஆஷிஷ் நெஹ்ரா, ராகுல் சங்க்வி, ஹர்பஜன் சிங், பாலாஜி ராவ், ககன் கோடா, ஜாவித்ஜமான்.