பிரன்ட்ஸ், தீனா திருட்டு சி.டி.க்கள் பறிமுதல்

சென்னை:

சர்வதேச சந்தையில் ரூ. 12.5 லட்சம் மதிப்புள்ள திருட்டு சி.டிக்கள், வீடியோ கேசட்டுகள், திருட்டிஆடியோக்களையும் தமிழக போலீஸார் பறிமுதல் செய்துள்ளனர்.

தமிழக போலீஸின் குற்றத் தடுப்புப் பிரிவு போலீஸ் இந்த சோதனையில் ஈடுபட்டது. இதுதொடர்பாக 51 பேர் கைதுசெய்யப்பட்டுள்ளனர். அனைவரும் நீதிமன்றக் காவலில் வைக்கப்பட்டுள்ளனர்.

கைப்பற்றப்பட்டவற்றில் 911 ஆடியோ கேசட்டுகள், 842 வீடியோ கேசட்டுகள், 461 ஆடியோ சி.டிக்கள், ஐந்துகம்ப்யூட்டர் சாதனங்கள், நான்கு மானிட்டர்கள், 3 டிவிகள், ஒரு விசிடி பிளேயர் ஆகியவை அடங்கும்.

பறிமுதல் செய்யப்பட்ட திருட்டி சி.டிக்களில், சமீபத்தில் வெளிவந்த வாஞ்சிநாதன், பிரன்ட்ஸ், லூட்டி, தீனா,மனுநீதி, நாகேஸ்வரி, பாப்பா, பிரியமானவளே, நீ எந்தன் வானம், வானவில், சீனு, தெனாலி ஆகிய படங்களும்அடங்கும்.

தமிழகம் முழுவதிலும் கடந்த ஆண்டு டிசம்பர் 12-ம் தேதி முதல் ஜனவரி 31-ம் தேதி வரை இந்த சோதனைநடத்தப்பட்டது.

யு.என்.ஐ.