90 வயதை எட்டினார் ரொனால்டு ரீகன்

லாஸ் ஏஞ்சல்ஸ்:

அமெரிக்க முன்னாள் அதிபர் ரொனால்ட் ரீகன் தனது 90 வது பிறந்த நாளை செவ்வாயன்று கொண்டாடினார்.

ரீகனின் பிறந்த நாளை லாஸ் ஏஞ்சல்ஸ் நகர மக்கள் ரொனால்ட் ரீகன் நாளாக கொண்டாடினர்.

அமெரிக்காவின் முன்னாள் அதிபர்கள் ஜெரால்டு போர்ட், ஜார்ஜ் புஷ், இங்கிலாந்து இளவரசர் சார்லஸ் உள்பட பலர் வாழ்த்து தெரிவித்தனர். முன்னாள்ஹாலிவுட் நடிகரான ரீகன் இருமுறை அதிபராக பதவி வகித்தவர். தற்போது ஞாபக சக்தி குறைந்து, பழைய நினைவுகள் மறந்த நிலையில் உள்ளார்.

90 வயது வரை வாழும் மூன்றாவது முன்னாள் அதிபரான ரீகன் மூளை பாதிக்கப்பட்டு நினைவுகளை கொஞ்சம் கொஞ்சமாக இழந்து வருகிறார்.

அமெரிக்க டி.வி ஒன்றிற்கு அளித்த பேட்டியில் ரீகனின் மனைவி நான்சி ரீகன், ரீகன் யாரையும் பார்க்க விரும்புவதில்லை. மூளை பாதிப்பு நோய் தவிர அவர்நல்ல உடல் ஆரோக்கியத்துடன் உள்ளார் என்றார்.