நான் தாங்க அப்பா .. ஒத்துக் கொள்கிறார் பெக்கர்
மூனிச்:
ரஷ்ய அழகியின் குழந்தைக்கு தானே தந்தை என்று ஜெர்மன் டென்னிஸ் ஆட்டக்காரர் போரிஸ் பெக்கர் ஒத்துக்கொண்டார்.
போரிஸ் பெக்கரின் பெயரில் மூனிச்சில் வெளியிடப்பட்ட பத்திரிக்கை செய்திக்குறிப்பு ஒன்றில், ரஷிய மாடல் அழகி ஏஞ்சலா எர்மகோவாவின் 10 மாதபெண் குழந்தையான அன்னாவிற்கு தானே தந்தை எனவும், அக்குழந்தையை கவனிப்பதற்கு தேவையானவற்றை செய்வதாகவும்தெரிவிக்கப்பட்டுள்ளது.
1999 விம்பிள்டன் போட்டியின் போது ஏஞ்சலாவுடன் ஏற்பட்ட சந்திப்பில் பிறந்த இக்குழந்தை, ஜெர்மன் நாட்டுச் சட்டப்படி பெக்கரின் மகன்களுக்குசமமாகவே கருதப்பட்டு சொத்தில் பங்கு கிடைக்கும்.
கடந்த மாதம் தன் மனைவியை விவாகரத்து செய்தது, ரஷிய அழகியின் லண்டன் வழக்கு, மற்றும் மாடல் அழகி ஒருவருடன் பெக்கரின் சமீப காதல்ஆகிய நிகழ்வுகளால் போரிஸ் பெக்கரின் பெயர் பத்திரிகையில் அடிக்கடி இடம் பெற்றது.
மூன்று முறை விம்பிள்டன் பட்டம் வென்ற பெக்கர், விவகாரத்து பற்றி ஜெர்மன் பத்திரிக்கை ஒன்றிற்கு அளித்த பேட்டியில், விவாகரத்தை தான்எதிர்பார்க்கவில்லை. இது தான் ஏற்றுக்கொள்ள வேண்டிய மிகப்பெரிய தோல்வி என்று தெரிவித்திருக்கிறார்.
இந்திய வம்சாவளியைச்சேர்ந்த பாப் பாடகியான சாப்ரினா செட்லுரை தான் காதலிப்பது உண்மை என்று பெக்கர் கடந்த வாரம்தான் ஒத்துக்கொண்டார்என்பது குறிப்பிடத்தக்கது.