ஸ்டீவுக்கு என்ன தெரியும்? .. கங்குலி எதிர்ப்பு

சென்னை:

இந்திய கிரிக்கெட் மைதான விக்கெட்டுகளில் மாற்றம் செய்யப்பட்டிருப்பது பற்றிய ஸ்டீவ் வாவின் கருத்திற்குசெளரவ் கங்குலி எதிர்ப்பு தெரிவித்துள்ளார்.

சென்னையில் நடைபெறும் பயிற்சி முகாமில் கலந்து கொண்ட இந்திய கேப்டன் செளரவ் கங்குலி நிருபர்களின்கேள்விகளுக்கு பதிலளித்த போது,

இந்திய மைதானங்களின் விக்கெட்டுகள் மாற்றி அமைக்கப்பட்டுள்ளது குறித்து ஆஸ்திரேலிய கிரிக்கெட் கேப்டன்தெரிவித்திருந்த கருத்து குறித்து கேட்டதற்கு, யூகத்தின் அடிப்படையில் குற்றச்சாட்டுகளை கூறுவது சரியல்ல,ஆஸ்திரேலியாவில் இருக்கும் அவருக்கு இங்கு நடக்கும் நிகழ்ச்சிகள் தெரிய வந்தது எப்படி? என்று கேள்விஎழுப்பினார்.

மைதானங்கள் எந்த வகையில் அமைக்கப்பட்டுள்ளது என்பதை டெஸ்ட் போட்டி விளையாடும் போது காணலாம்.ஆஸ்திரேலியா தொடர்ந்து வெற்றிகளை குவித்து வந்தாலும் இங்கு வந்து அவர்கள் வெற்றி பெறுவதுகடினம்.சென்னையில் பயிற்சி முகாம் நடைபெறுவது எனக்கு பிடிக்கவில்லை என்று கூறப்படுவது சரியல்ல,

அணியின் பயிற்சியாளரான ஜான் ரைட்டிடம் பயிற்சி பெறும் அனுபவம் புதுமையானது. ஆஸ்திரேலியா அணிதவிர அடுத்து வரும் ஒரு ஆண்டிற்கான போட்டிக்கு தயாராவது குறித்து விவாதிக்கப்படுகிறது.

பயிற்சி முகாமில் உள்ள வீரர்களின் திறமை சோதிக்கப்படுகிறது. அணியின் பலம் எது பலவீனம் எது என்பதுகுறித்து அறிந்து அதற்கேற்ப அணி மாற்றியமைக்கப்படும்.

அனில் கும்ப்ளே போன்ற வீரர்களை ஒரு நாளில் நாம் உருவாக்கிட முடியாது. தற்போது முகாமில் திறமையானவீரர்கள் உள்ளனர். அவர்களின் திறமை டெஸ்ட் போட்டியின் போது தெரியவரும் என்று தெரிவித்தார்.

யு.என்.ஐ.