இந்தியாவை வெல்வது கஷ்டம்தான் .. ஸ்டீவ் வாக்

மெல்போர்ன்:

இந்தியாவுடான கிரிக்கெட் தொடர் வெல்வதற்கு கடினமான ஒன்று என்றுஆஸ்திரேலிய கிரிக்கெட் அணி கேப்டன் ஸ்டீவ் வாக் கூறியுள்ளார்.

இந்தியாவுக்கு எதிராக விளையாடவிருக்கும் ஆஸ்திரேலிய கிரிக்கெட் அணிஅறிவிக்கப்பட்டுள்ளது. இதில் புகழ் பெற்ற சுழற் பந்து வீச்சாளர் ஷேன் வார்னே,கோலின் மில்லர், மைக்கேல் காஸ்ப்ரோவிக்ஸ் ஆகியோர் சேர்க்கப்பட்டுள்னர்.

காஸ்ப்ரோவிக்ஸ், வேகப்பந்து வீச்சாளர் ப்ரெட் லீ-க்கு பதிலாக விளையாடுகிறார்.பெர்த் நகரில் ஜிம்பாவேவுடன் விளையாடிய பந்தயத்தில் விளையாடும் போது லீ-க்குமுழங்கையில் அடிபட்டது. இவருக்கு அறுவை சிகிச்சை செய்ய வேண்டியிருப்பதால்அணியில் இடம் பெறவில்லை.

அணியில் ஏற்கனவே மெக்ராத், ப்ளெமிங் ஆகிய இரண்டு வேகப்பந்து வீச்சாளர்கள்இருக்கிறார்கள் என்பது குறிப்பிடத்தக்கது.

ஆஸ்திரேலிய அணி இந்த மாதம் 13-ம் தேதி இந்தியா வரவிருக்கிறது. முதல் டெஸ்ட்பந்தயம் இந்த மாதம் 27-ம் தேதி மும்பையில் துவங்குகிறது.

3 டெஸட் பந்தயங்களிலும், 5 ஒரு நாள் போட்டிகளிலும் இரு அணிகளும்விளையாடுகின்றன.

ஆஸ்திரேலிய கிரிக்கெட் அணியின் கேப்டன் ஸ்டீவ் வாக் போட்டித் தொடர் குறித்துக்கூறுகையில்,

இந்தியாவுடன் விளையாட இருக்கும் போட்டி மிக முக்கியமானது. இந்திய அணிசிறந்த அணி. இந்திய அணியை வெல்வது எங்களுக்கு சவாலாக அமைந்துள்ளதுஎன்றார்.

ஆஸ்திரேலிய அணி தொடர்ந்து 15 டெஸ்ட் போட்டிகளில் வென்று உலக சாதனைபடைத்துள்ளது. சமீபத்தில் மேற்கிந்திய தீவுகள் அணியை 5-0 என்ற கணக்கில்வென்றது ஆனாலூம், 1969-ம் ஆண்டுக்கு பின் இந்தியாவை டெஸ்ட் தொடர் எதிலும்வென்றதில்லை என்பது குறிப்பிடத்தக்கது.

ஆஸ்திரேலிய அணி விவரம்:

ஸ்டீவ் வாக் (கேப்டன்), ஆடம் கில்கிறிஸ்ட்.(துணை கேப்டன்), டாமியன் ப்ளெம்மிங்,ஜாசன் கில்லஸ்பி, மாத்யூ ஹேடன், மைக்கேல் காஸ்ப்ரோவிக்ஸ், ஜஸ்டின் லாங்கர்,டாமியன் மார்ட்டின், க்ளென் மெக்ராத், கோலின் மில்லர், ரிக்கி பான்டிங், மைக்கேல்ஸ்லேட்டர், ஷேன் வார்னே, மார்க் வாக்.