டேவிஸ் கோப்பை டென்னிஸ்: இந்தியா-சீனா மோதல்

பெய்ஜிங்:

டேவிஸ் கோப்பை டென்னிஸ் போட்டியில் இந்தியாவும் சீனாவும் மோதுகின்றன.

பெய்ஜிங் அருகே உள்ள லாங் ஃபாங் நகரில் வெள்ளிக்கிழமை நடைபெறும் டேவிஸ் கோப்பை மண்டல போட்டியில், லியாண்டர் பயஸ் சீனாவின் வாங் யூவுடன்மோதுகிறார். மற்றொரு ஒற்றையர் போட்டியில் சையது ஃபஸலுதீன் சீனாவின் ஜாங் யூவுடன் மோதுகிறார்.

சனிக்கிழமை நடைபெறும் இரட்டையர் போட்டியில் பயஸுடன் பூபதி இணைந்து சீனாவின் யாங் சிங் சூ - ஜூ ரான் ஜோடியுடன் மோதுகின்றனர்.தோள்பட்டை வலி காரணமாக பூபதி ஒற்றையர் போட்டிகளில் பங்கேற்கவில்லை.

1999 டேவிஸ் கோப்பை போட்டியில் 5-0 என்ற கணக்கிலும் அடுத்து நடந்த ஆசிய கோப்பை போட்டியில் 2-1 என்ற கணக்கிலும் சீனாவைஇந்தியா வென்றுள்ளது. தற்போதைய போட்டியில் இந்தியாவை வெற்றி கொள்வோம் என்று சீனாவின் கேப்டன் வாங் ஃபூ ஜாங் கூறினார்.