மத்திய அமைச்சராவாரா மாதன்?

கோவை:

மத்திய அமைச்சரவையில் விரைவில் ஏற்படும் மாற்றத்தில், தமிழக பாரதீய ஜனதாக்கட்சி எம்.பிக்களுக்கு அமைச்சர் பதவி கிடைக்கும் என எதிர்பார்க்கப்படுகிறது.

இதில், நீலகிரி எம்.பி மாஸ்டர் மாதன் அல்லது கோவை எம்.பி.ராதாகிருஷ்ணன்ஆகியோர் பெயரும் சிபாரிசு செய்யப்பட்டுள்ளது.

மத்திய அமைச்சராக இருந்த ரங்கராஜன் குமாரமங்கலம் இறந்து விட்டார்.இவரையடுத்து தமிழகத்தில் பா.ஜ., எம்.பி., பொன் ராதாகிருஷ்ணனுக்கு அமைச்சர்பதவி கிடைத்தது. அப்போதே கோவை எம்.பி. ராதாகிருஷ்ணனது பெயரும்அடிபட்டது. ஆனால் அமைச்சர் பதவி கிடைக்கவில்லை.

தற்போது மத்திய அமைச்சரவையிலிருந்து பாட்டாளி மக்கள் கட்சி விலகியதைத்தொடர்ந்து காலி இடத்தை நிரப்ப தமிழகத்தைச் சேர்ந்த பா.ஜ எம்.பி.,க்களுக்குவாய்ப்பு கிடைக்கவிருக்கிறது.

எனவே கோவை ராதாகிருஷ்ணன் பெயர் மீண்டும் அடிபடுகிறது. அதே சமயம் சீனியர்எம்.பி., என்ற முறையில் மாஸ்டர் மாதனுக்கும் இந்த முறை வாய்ப்பு கிடைக்கலாம்என்றும் பா.ஜ.க. வட்டாரத்தில் பேசப்படுகிறது.