அமெரிக்க நீர்மூழ்கிக் கப்பலுடன் மோதிய ஜப்பான் படகு

டோக்கியோ:

35 பேருடன் சென்ற ஜப்பான் மீன்பிடி படகு, அமெரிக்க அணு சக்தி நீர்மூழ்கிக் கப்பலுடன் நடுக்கடலில் மோதியது.இதில் 10 பேரைக் காணவில்லை.

ஹவாய் தீவு அருகே இந்த சம்பவம் நடந்தது. அமெரிக்காவின் கிரீன்வில்லி என்ற கப்பலுடன் இந்த படகுமோதியதாக அமெரிக்க கடற்படைத் தகவல் தெரிவித்துள்ளது. இரவு 11.45 மணியளவில் இது நடந்தது.

கப்பலுடன் மோதிய வேகத்தில் ஜப்பானிய படகு கடலில் மூழ்கியது. 25 பேர் பத்திரமாக மீட்கப்பட்டு விட்டனர்.ஆனால் 10 பேரைக் காணவில்லை. அமெரிக்க கப்பலுக்கு பாதிப்பு ஏதும் ஏற்படவில்லை.

ஜப்பானிய படகில் சென்றவர்களில் 13 பேர் மாணவர்கள், 2 பேர் ஆசிரியர்கள். அனைவரும் மீன்வளம் குறித்தபடிப்புப் படிப்பவர்கள். காணாமல் போனவர்களைத் தேடும் பணியில் ஹெலிகாப்டர்களும் ஈடுபடுத்தப்பட்டுள்ளன.