அம்பயர்களுக்கு "ஐ டெஸ்ட்

மெல்போர்ன்:

தொழில்முறை ஆட்டமாக மாறி வரும் கிரிக்கெட்டில் அம்பயர்களின் பார்வைத்திறன் மற்றும் கேட்கும் சக்தி குறித்து பரிசோதிக்கப்பட உள்ளது.

கிரிக்கெட்டின் வளர்ச்சிக்காக எடுக்கப்படும் நடவடிக்கைகளின் ஒரு பகுதியே இது என்கிறார் மெல்போர்னில் நிருபர்கள் கூட்டத்தில் பேசிய சர்வதேசகிரிக்கெட் கவுன்சில் தலைவர் மால்கம் கிரே.

கிரிக்கெட் நடுவர்களை தொழில்முறை நடுவர்களாக மாற்றுவதற்காக பல்வேறு நடவடிக்கைகள் எடுக்கப்பட்டு வருகின்றன. அடுத்தாண்டு ஏப்ரல்முதல் கொண்டுவரப்பட உள்ள புதிய அம்பயரிங் சிஸ்டத்தில் போட்டி நடுவர்கள், மற்றும் போட்டிக்கான ரெஃப்ரி நியமனம் குறித்து மாற்றங்கள்செய்யப்படுகிறது.

புது நடுவர் முறைக்காக சர்வதேச கிரிக்கெட் கவுன்சில் 2 மில்லியன் டாலர்கள் செலவிட உள்ளதாக அதன் தலைமை நிர்வாகி டேவிட் ரிச்சர்ட்ஸ் தெரிவித்தார்.

ராய்டர்ஸ்.