கொலை முயற்சி ... காதலனுக்குத் தூக்குத்தண்டனை

டெஹ்ரான்:

தனது கள்ளக்காதலியின் கணவரைக் கொலை செய்ய முயன்றது தொடர்பாக ஈரானைச் சேர்ந்த நபருக்கு ஞாயிற்றுக்கிழமை பொதுமக்கள் முன்னிலையில்தூக்குத் தண்டனை நிறைவேற்றப்பட்டது .

டெஹ்ரானின் மேற்குப் பகுதியில் உள்ள போர்ஜெர்டு என்ற இடத்தில் வசித்து வந்தவர் அலி குடார்ஸி. இவர் ஏற்கனவே திருமணமான பெண்ணைக்காதலித்தார்.

ஆனால் தனது காதலுக்கு, காதலியின் கணவர் இடையூறாக இருப்பார் என்று கருதினார். இதனால் காதலியின் கணவரைத் தீர்த்துக்கட்டத் தீர்மானித்தார்.இதையடுத்து தனது திட்டத்தை காதலியிடம் தெரிவித்தார். காதலியும் இதை ஆமோதித்தார்.

இருவரும் தங்களது திட்டப்படி, காதலியின் கணவரைக் கொலை செய்ய முயன்ற போது போலீஸில் பிடிபட்டனர். கொலை முயற்சி செய்தது தொடர்பாக அலிகுடார்ஸிக்கு தூக்குத்தண்டனை நிறைவேற்றப்பட்டது. கொலை முயற்சிக்கு உடந்தையாக இருந்தது தொடர்பாக இவரது காதலியும் சிறையில்அடைக்கப்பட்டுள்ளார்.