ஜீவராஜ் ஆல்வா கவலைக்கிடம்

பெங்களூர்:

ஐக்கிய ஜனதா தள துணைத் தலைவரும், முன்னாள் கர்நாடக அமைச்சருமான ஜீவராஜ் ஆல்வா கவலைக்கிடமானநிலையில், பெங்களூரில் உள்ள தனியார் மருத்துவமனையில் சிகிச்சை பெற்று வருகிறார்.

டாக்டர் ஜீவராஜ் ஆல்வாவின் நிலை மிகவும் கவலைக்கிடமாக உள்ளது. அவருக்கு வென்டிலேட்டர் மூலம்செயற்கை சுவாசம் அளிக்கப்பட்டு வருகிறது என்று மருத்துவமனை வட்டாரத்தில் தெரிவிக்கப்பட்டது.

டாக்டர் ஆல்வா பல நாட்களாக மஞ்சள் காமாலை நோயால் அவதிப்பட்டு வந்தார். கர்நாடக முன்னாள் முதல்வர்ராமகிருஷ்ண ஹெக்டே, மத்திய விமானப் போக்குவரத்துத் துறை அமைச்சர் சரத் யாதவ், அமைச்சர்கள்தேஷ்பாண்டே, ரோஷன் பெய்க் மற்றும் பலர் மருத்துவமனைக்குச் சென்று ஜீவராஜ் ஆல்வாவைப் பார்த்தனர்.

பெங்களூரில் பிரபலமான கர்நாடக சித்ரகலா பரிஷத்தை நிறுவியவர் ஆல்வா.

யு.என்.ஐ.