ஜீவராஜ் ஆல்வா மரணம்

பெங்களூர்:

கர்நாடக முன்னாள் அமைச்சரும், ஐக்கிய ஜனதாதள கட்சியின் மூத்த தலைவருமான டாக்டர் ஜீவராஜ் ஆல்வா திங்கள்கிழமை மரணமடைந்தார்.

அவருக்கு வயது 52.

கர்நாடக முன்னாள் முதல்வர் ஹெக்டேவுக்கு மிகவும் நெருக்கமானவர் ஜீவராஜ் ஆல்வா. கடந்த சில மாதங்களாக உடல்நலக்குறைவு ஏற்பட்டதால்சிகிச்சை பெற்று வந்த டாக்டர் ஜீவராஜ் ஆல்வாவுக்கு மேலும் உடல் நலக்குறைவு ஏற்பட்டது.

உடனடியாக பெங்களூர் மணிப்பால் மருத்துவமனையில் சேர்க்கப்பட்டார். தீவிர நிமோனியா, மஞ்சள் காமாலை, சர்க்கரை நோய் ஆகியவற்றால்பாதிக்கப்பட்ட அவருக்கு டாக்டர்கள் குழுவினர் தீவிர சிகிச்சை அளித்தனர்.

அவரது உடல்நிலை கவலைக்கிடமானதால் அவசர பிரிவில் சேர்க்கப்பட்டார். இதையடுத்து திங்கள்கிழமை காலை கோமா நிலைக்குத் தள்ளப்பட்டார்.சிகிச்சை பலனின்றி திங்கள்கிழமை மாலை மரணமடைந்தார்.

திங்கள்கிழமை இரவு, அவரது உடல் மணிப்பால் மருத்துவமனையிலிருந்து சதாசிவநகரில் உள்ள அவரது வீட்டுக்கு எடுத்துச் செல்லப்பட்டது.தலைவர்களும், பொதுமக்களும் செவ்வாய்க்கிழமை அவரது உடலுக்கு அஞ்சலி செலுத்துகிறார்கள்.

யு.என்.ஐ.