மூப்பனாரைச் சந்தித்தார் நடிகர் சரத் குமார்

சென்னை:

சென்னையில் நடிகர் சரத்குமார், தமிழ் மாநில காங்கிரஸ் தலைவர் மூப்பனாரை திடீரென சந்தித்துப் பேசினார்.

இதுகுறித்து சரத்குமார் நிருபர்களுக்கு அளித்த பேட்டியில், மூப்பனார் மரியாதையும், மதிப்பும் மிக்க தலைவர். அவர் தி.மு.க.கூட்டணிக்குத் திரும்ப வேண்டும்என்ற காரணத்திற்காக அவரை சந்தித்துப் பேசினேன். அவர் தி.மு.க.வில் சேர வேண்டும் என்று தான் த.மா.கா.தொண்டர்களும் விரும்புகிறார்கள்.

தமிழகத்திலிருந்து ஒழிக்கப்பட்டு விட்ட ஊழல் மீண்டும் தலையெடுத்து விடக் கூடாது என்பதற்காக தி.மு.க. வுக்கே மூப்பனார் திரும்ப வேண்டும்என்பதற்காக அவரை சந்தித்துப் பேசினேன்.

மக்களின் ஆதரவு தி.மு.க.வுக்குத்தான் என்பதை தேர்தல் கணிப்புக்கள் எதிரொலிக்கின்றன. வெற்றி வாய்ப்பு தி.மு.க.வுக்குத்தான் பிரகாசமாக உள்ளதுஎன்றார் சரத்குமார்.