மும்பையில் 80 கி.மீட்டருக்கு மேல் செல்ல தடை
மும்பை:
மராட்டிய நடிகை பக்தி பார்வே இனாம்தார் மும்பை-புனே விரைவுப் பாதையில் ஏற்பட்ட விபத்தில் இறந்ததையடுத்து அப்பாதையில் இனி மேல் 80கி.மீ. வேகத்திற்கு மேல் செல்ல தடை விதிக்கப்பட்டுள்ளது.
இது பற்றி மும்பை போலீஸார் தெரிவித்த தகவல்கள்:
ஹை ஸ்பீட் பைக்குகளுடன் போக்குவரத்து போலீசார் மும்பை-புனே விரைவுப் பாதையில் வேகக் கட்டுப்பாட்டு பணியில் ஈடுபட உள்ளனர்.தேவைப்பட்டால் கண்காணிப்பு பணியில் ஈடுபடும் போலீசாரின் எண்ணிக்கை அதிகரிக்கப்படும்.
விரைவுப் பாதையில் 120 கி.மீ வேகம் வரை செல்வதற்கான வாகனங்களோ, அந்த வேகத்தில் செல்லும் வாகனங்களை கட்டுப்படுத்தி ஓட்டக் கூடியவாகன ஓட்டிகளோ இந்தியாவில் இல்லை.
ரோட்டில் இன்னும் சரியாக பக்கவாட்டு தடுப்புகள் அமைக்கப்படாத நிலையில் கால்நடைகள் வந்தால் ஆபத்து இன்னும் அதிகம். எனவே,இப்பாதையில் செல்லும் வாகனங்களின் வேகம் 80 கி.மீக்கு மேல் செல்ல தடை விதிக்கப்பட்டுள்ளது. மேலும், பாதசாரிகள், சைக்கிள், இருசக்கரவாகனங்கள் இந்த விரைவுப் பாதையில் செல்லாமல் தடுக்கப்படும்.
ஐ.ஏ.என்.எஸ்.