ரஜினி அரசியலுக்கு வர ரசிகர்கள் கோரிக்கை

திருச்சி:

திரைப்பட நடிகர் ரஜினிகாந்தை அரசியலுக்கு வருமாறு அவரது ஆதரவாளர்கள் கோரிக்கை விடுத்துள்ளனர்.

ரஜினிகாந்த் மற்ற கட்சிகளுக்கு ஆதரவளிப்பதற்கு பதிலாக அவரே அரசியலில் இறங்க வேண்டும் என அவரது ஆதரவாளர்கள் கூறி வருகின்றனர்.

இது குறித்து ரஜினிகாந்த் நற்பணி மன்ற தலைவர் சத்யநாராயணா நிருபர்களுக்கு வியாழக்கிழமை பேட்டியளித்தார். அப்போது அவர் கூறுகையில், நான்ரசிகர்களின் விருப்பத்தை ரஜினிகாந்திடம் தெரிவித்துள்ளேன்.

அவரது எல்லா ரசிகர்களும் அவர் அரசியலுக்கு வரவேண்டும் என விரும்புகிறார்கள். இது குறித்து அவர் முடிவுக்காக அவர்கள் ஆவலுடன்காத்திருக்கிறார்கள் என கூறினார்.

1996-ம் ஆண்டு தி.மு.க. - த.மா.கா. கூட்டணிக்கு ரஜினிகாந்த் ஆதரவு தெரிவித்தார். அந்த கூட்டணி அமோக வெற்றி பெற்றதற்கு ரஜினிகாந்தின்ஆதரவு கிடைத்ததும் முக்கிய காரணங்களில் ஒன்று என்பது குறிப்பிடத்தக்கது.

யு,என்.ஐ.