கிளின்டனின் சின்ன தம்பி கைது

லாஸ் ஏஞ்சல்ஸ்:

குடிபோதையில் வண்டி ஓட்டியதாக முன்னாள் அமெரிக்க அதிபர் பில் கிளின்டனின் உறவினர் கைது செய்யப்பட்டார்.

லாஸ் ஏஞ்சல்ஸில் கடற்கரை அருகே போக்குவரத்து விதிகளை மீறி தாறுமாறாக சென்ற கார் ஒன்றை ஹெர்மோஸா கடற்கரை போலீசார் விரட்டிபிடித்தனர். அக்காரை ஓட்டியவர் கிளின்டனின் ஒன்றுவிட்ட சகோதரரான ரோஜர் கிளிண்டன்.

அவர் குடித்து விட்டு காரோட்டியதாக போலீசார் கைது செய்தனர். சனிக்கிழமையன்று காலை கைது செய்யப்பட்ட அவர் உடனடியாக விடுதலை செய்யப்பட்டுஏப்ரல் 2ம் தேதி நீதிமன்றத்தில் ஆஜராக அறிவுறுத்தியுள்ளனர்.

பதவியிலிருந்து விலகுமுன்னர் கடந்த மாதம் தான் போதை மருந்து கடத்தல் குற்றத்திற்காக ஒரு வருட சிறைத் தண்டனை பெற்ற ரோஜர் கிளிண்டனுக்குவிடுதலை மன்னிப்பு வழங்கியிருந்தார் பில் கிளின்டன் என்பது குறிப்பிடத்தக்கது.