ஒன் டே போட்டியில் கிறிஸ் ஹாரிஸின் சாதனை
நேப்பியர்:
பாகிஸ்தானுக்கு எதிரான 2வது ஒரு நாள் போட்டியில் அப்ரிடியின் விக்கெட்டை எடுத்ததின் மூலம் ஒருநாள் போட்டியில் அதிக விக்கெட்டுகளை எடுத்தநியூஸிலாந்து பெளலர் என்ற சாதனையை நிகழ்த்தியுள்ளார் கிறிஸ் ஹாரிஸ்.
ரிச்சர்ட் ஹாட்லி எடுத்திருந்த 158 விக்கெட்டுகளே(115 ஆட்டங்கள்) இதுவரை சாதனையாக இருந்தது. ஹாரிஸ், தன்னுடைய 175வது மேட்ச்சில்159வதுவிக்கெட்டுகளை வீழ்த்தி இச்சாதனையை நிகழ்த்தியுள்ளார்.
டாஸில் வென்ற நியூஸிலாந்து, பாகிஸ்தானை முதலில் பேட் செய்ய பணித்தது. ஆட்டத்தின் முதல் பந்தில் தொடங்கிய பாகிஸ்தானின் விக்கெட் வீழ்ச்சி கடைசியில்135 ரன்களில் முடிவுக்கு வந்தது.
நியூஸிலாந்தின் டேரில் டஃபி தனது பந்துவீச்சின் போது சயீத் அன்வரை வீழ்த்தியதோடு முதல் 6 ஓவர்களில் 11 ரன்களுக்கு 2 விக்கெட்டுகளை வீழ்த்தினார்.மீண்டும் பந்து வீச வந்த போது மோயின் கானை 1 ரன்னில் பெவிலியனுக்கு அனுப்பி பாகிஸ்தான் 62 ரன்களுக்கு 6 விக்கெட்டுகள் என்ற நிலைக்குகொண்டு சென்றார். அப்துல் ரஸாக் சேகரித்த 50 ரன்கள் அணியின் ஸ்கோர் 135ஐ எட்ட உதவியது.
பின்னர் ஆடிய நியூஸிலாந்து 30 ஓவர்களில் 136 ரன்களை எடுத்து 6 விக்கெட் வித்தியாசத்தில் வெற்றி பெற்றது. 4விக்கெட்டுகளை வீழ்த்திய டேரில் டஃபிமேன் ஆப் த மேட்சாக தேர்ந்தெடுக்கப்பட்டார்
பாகிஸ்தானிற்கு பிடித்த நேப்பியர் பிட்ச்சில் இதற்குமுன் 1991-92ல் எடுத்த 136 ரன்களே இதுவரை நியூஸிலாந்திற்க்கு எதிரான குறைந்த பட்சஸ்கோராக இருந்தது.