தமிழகத்தில் பாஸ்வான் கட்சியின் துவக்க விழா

சென்னை:

மத்திய தொலை தொடர்புத்துறை அமைச்சர் ராம்விலாஸ் பாஸ்வானின் லோக் ஜன சக்தி கட்சியில் மேலும் 3 எம்.பிக்கள் சேர உள்ளனர்.

சென்னையில் கட்சியின் தொடக்க விழா கருத்தரங்கை துவக்கி வைக்க வந்துள்ள பாஸ்வான் நிருபர்களிடம் பேசும் போது, சமாஜவாதிக்கட்சி, லோக்தந்திரிக் கட்சி உள்ளிட்ட கட்சிகளிலிருந்து விரைவில் சில எம்.பிக்கள் லோக் ஜனசக்தி கட்சியில் இணைவர்.

அனைத்து மாநிலங்களிலும் கட்சியின் பிரிவை அமைப்பதற்கான முயற்சிகள் மேற்கொள்ளப்படும். தமிழகம் முழுவதும் கட்சி விரிவுபடுத்தப்படும்.தொடக்கவிழா கருத்தரங்கிற்கு தமிழக முதல்வர் கருணாநிதி அழைக்கப்பட்டுள்ளார்.

தேசிய ஜனநாயக கூட்டணியின் ஒரு அங்கமான லோக் ஜனசக்தி கட்சி வருகின்ற சட்டமன்ற தேர்தலில் தி.மு.க. கூட்டணியின் சார்பில் போட்டியிடும் எனதெரிவித்தார்.

யு.என்.ஐ.