மதச்சார்பற்ற ஜனதா தளம் - அதிமுக ஆலோசனை

சென்னை:

தமிழகத்தில் வரும் சட்டசபைத் தேர்தலில் யாருடன் கூட்டணி வைத்துக் கொள்வது என்பது குறித்து மதச்சார்பற்ற ஜனதா தளத் தலைவர் வடிவேலு, அதிமுகபொதுச்செயலாளர் ஜெயலலிதாவுடன் வியாழக்கிழமை ஆலோசனை நடத்தினார்.

இதுகுறித்து அதிமுக வெளியிட்டுள்ள செய்தி அறிக்கை:

தமிழக சட்டசபைத் தேர்தல் மார்ச் இறுதியிலோ அல்லது ஏப்ரல் மாதமோ நடக்கவுள்ளது. இதையடுத்து தேர்தல் கூட்டணி குறித்து பல்வேறு கட்சிகள்ஆலோசனை நடத்தி வருகின்றன.

போயஸ் கார்டனில் அதிமுக பொதுச்செயலாளர் ஜெயலலிதாவுடன், மதச்சார்பற்ற ஜனதா தள தலைவர்கள் தேர்தல் கூட்டணி குறித்து பேச்சுவார்த்தைநடத்தினார்கள்.

இந்தப் பேச்சுவார்த்தையின் போது மதச்சார்பற்ற ஜனதா தள பொதுச்செயலாளர் குணசேகரன் மற்றும் தாஸ் ஆகியோர் இருந்தனர் என்று அதிமுகவெளியிட்டுள்ள செய்தி அறிக்கையில் தெரிவிக்கப்பட்டுள்ளது.

அ.தி.மு.க.வில் நடிகர்கள்:

இதற்கிடையே, பிரபல திரைப்பட நடிகர் ஜூனியர் பாலய்யா மற்றும் நகைச்சுவை நடிகர் தாமு ஆகியோரும் ஜெயலலிதா முன்னிலையில் அதிமுக வில் சேர்ந்தனர்என்று அதிமுக வெளியிட்டுள்ள இன்னொரு செய்திக் குறிப்பு தெரிவிக்கிறது.

யு.என்.ஐ.