தமிழகத்தின் மக்கள் தொகை 6.2 கோடி
மதுரை:
தமிழகத்தின் மக்கள் தொகை 6.2 கோடி எனத் தெரியவந்ததுள்ளது.
மாநிலத்தின் ஆண், பெண் விகிதாச்சாரமும் சமமாக இருக்கும் எனவும் தெரிகிறது.
மக்கள் தொகை கணக்கெடுப்பு அதிகாரி சந்திரமெளலி வெள்ளிக்கிழமை மதுரையில்நிருபர்களிடம் கூறுகையில்,
மக்கள் தொகை கணக்கெடுப்பு பணி தீவிரமாக நடந்து வருகிறது.
இது வரை மதுரையில் 70 சதவிகிதமும், தேனியில் 76 சதவிகிதமும், ராமாநாதபுரத்தில்79 சதவிகிதமும், விருதுநகரில் 79 சதவிகிதமும், சிவகங்கையில் 80 சதவிகிதமும்,திண்டுக்கல்லில் 80 சதவிகிதமும் மக்கள் தொகை கணக்கெடுப்பு பணிகள்முடிவடைந்துள்ளன.
இந்த மாதம் 28-ம் தேதிக்குள் பணிகள் முழுமையாக முடிந்துவிடும்.
28-ம் தேதி இரவு சாலையோரங்களில் குடியிருப்போரிடம் காவல்துறையினர்பாதுகாப்புடன் கணக்கெடுப்பு நடத்தப்படும்.
மார்ச் மாதம் 1-ம் தேதி முதல் 5-ம் தேதி வரை இந்தக் கணக்குகளை சரிபார்க்கும் பணிநடைபெறும்.
தமிழகத்தின் மக்கள் தொகை 6.2 கோடியாக இருக்கும் என எதிர்பார்க்கப்படுகிறது.இது 1991-ம் ஆண்டு கணக்கெடுப்போடு பார்க்கும் போது மக்கள் தொகை 10.7சதவிகிதம் அதிகம்.
தமிழகத்தில் 1000 ஆண்களுக்கு 972 பெண்கள் என்று மக்கள் தொகை விகிதம் இருந்துவந்தது. ஆனால், இந்த முறை ஆண், பெண் மக்கள் தொகை சமமாக இருக்கும் எனஎதிர்பார்க்கப்படுகிறது.
14 வயதுக்கு குறைவான குழந்தைகளின் எண்ணிக்கை 1991-ம் ஆண்டைவிட 4சதவிகிதம் குறைந்துள்ளது. 60 வயதுக்கும் அதிகமான முதியவர்களின் எண்ணிக்கைஒரு மடங்கு அதிகமாக உள்ளது.
மக்கள் தொகை கணக்கெடுப்பின் அடிப்படையில்தான் நாட்டின் நலத் திட்டங்கள்மற்றும் பல செயல் திட்டங்கள் மேற்கொள்ளப்படும் என்பதால் மக்கள் அனைவரும்ஒத்துழைக்க வேண்டும்.
மக்கள் தொகை கணக்கெடுப்பு தொடர்பான புகார்கள் பற்றியும், தங்கள் பகுதிக்குமக்கள் தொகை கணக்கெடுப்பாளர் வரவில்லை என்றால் அது குறித்த புகார்களைமாவட்ட ஆட்சித்தலைவரிடம் நேரிலோ அல்லது தொலைபேசி மூலமாகவோதெரிவிக்கலாம் என்றார்.