களம் இறங்குகிறார் ஜூனியர் எம்.ஜி.ஆர்

சென்னை:

பெரிய மனிதர் போல் வேட்டி, சட்டை அணிந்ததோடு, குல்லாயும், கருப்பு கண்ணாடியும் அணிந்து அ.தி.மு.க.வின் ஆகர்ஷ சக்தியான எம்.ஜி.ஆரை நினைவுபடுத்துகிறார் 5வயது சிறுவன் ஒருவர்.

தமிழகத்தில் தேர்தல் ஜூரம் ஆரம்பித்து, கட்சிகள் கூட்டணி குறித்து விவாதித்து வரும் வேளையில், அ.தி.மு.க. தனது தேர்தல் பிரசாரத்திற்கு பயன்படுத்தஉள்ள மற்றொரு அஸ்திரம் இந்த சின்ன எம்.ஜி. ஆரான சிறுவன் சாக்கோ பிர்லா போஸ்.

முதல் வகுப்பில் பயிலும் சென்னை மாணவரான இச்சிறுவனின் தந்தை ஒரு அ.தி.மு.க. உறுப்பினராவார். அச்சிறுவனுக்கு மேடையில் பேசுவதற்கானபயிற்சி அளிக்கப்பட்டு சென்னையில் ஜனவரி 5ம் தேதி அவனது மேடை பேச்சும் அரங்கேறியுள்ளது.

தற்போது அ.தி.மு.க.வின் பிரச்சார பீரங்கியாக கிளம்பியுள்ள இச்சிறுவனின் பேச்சுத்திறமை வியக்க வைப்பதாக அக்கட்சியின் உறுப்பினர் ஒருவர்தெரிவித்தார்.

யு.என்.ஐ.