போர் விமானம்: இந்தியாவுக்கு உதவ நாடுகள் போட்டி

டெல்லி:

இந்தியாவில் உருவாக்கப்பட்ட இலகு ரக போர் விமானங்களின் தயாரிப்பில் உதவ ரஷ்யாவும், இஸ்ரேலும் விருப்பம் தெரிவித்துள்ளதாக மத்தியபாதுகாப்புத்துறை அமைச்சர் ஜார்ஜ் பெர்னாண்டஸ் தெரிவித்துள்ளார்.

டெல்லியில், பாதுகாப்புத்துறை வளர்ச்சிக்கு சிறப்பான சேவை புரிந்தவர்களுக்கான தேசிய விருதுகளை வழங்கிப்பேசிய அவர்,

இந்தியா வந்த ரஷ்ய துணை பிரதமர், இந்திய-ரஷிய பேச்சுவார்த்தையின் போது இது குறித்த விருப்பத்தை வெளியிட்டார்.

ரஷியா இந்தியாவிற்கு அளிக்கவுள்ள போர்க்கப்பலான அட்மிரல் கோர்ஸ்கோவ் பற்றிய அறிக்கை பெறப்பட்டுள்ளது. அடுத்த கட்ட நடவடிக்கையாகஅதனை வாங்குவதற்கான ஒப்பந்தம் கையெழுத்திடப்பட்டு மராமத்து பணிகள் மேற்கொள்ளப்படும்.

இந்திய பாதுகாப்புத்துறை சாதனங்கள் உற்பத்தியில் தனியார் நிறுவனங்களின் பணி பாராட்டுக்குரியது.

இத்துறையில் தனியார் நிறுவனங்களை ஈடுபடுத்துவது குறித்து பொகாரன் அணுகுண்டு சோதனையை ஒட்டி சர்வதேச நாடுகள் விதித்த தடைக்கு பின்பேமுடிவெடுக்கப்பட்டது. இந்திய தனியார் நிறுவனங்களின் தயாரிப்புகள் சிறப்பான வகையில் இருந்ததோடு இந்தியா தனது பாதுகாப்பு தொழில்நுட்பத்தில்தன்னிறைவு பெறவும் காரணமாக அமைந்துள்ளது என்றார்.

நிகழ்ச்சியில் பேசிய பாதுகாப்புத்துறை தரக்கட்டுப்பாட்டுதுறை இயக்குநரான லெப்டினன்ட் ஜெனரல் அமர்ஜித்சிங், இந்திய நிறுவனங்களின் தயாரிப்பு வெளிநாட்டுதயாரிப்புகளைகாட்டிலும் தரமுடன் இருப்பதாக தெரிவித்தார். நிகழ்ச்சியில் பல்வேறு இந்திய நிறுவனங்களுக்கு விருதுகள் வழங்கப்பட்டன.

மாஸ்கோ:ரஷ்யாவின் மிக்-29கே ரக போர் விமானங்களை இந்திய ராணுவத்திற்கு விற்பனை விரைவில் முடிவாகும் என மிக் நிறுவனத்தின் விமானவடிவமைப்பாளரானஆன்ட்ரி கரஸ்யேவ் தெரிவித்ததாக ரஷ்யாவின் டாஸ் செய்தி நிறுவனம் தெரிவிக்கிறது.

தற்போது இந்திய விமானந்தாங்கி கப்பலில் பயன்படுத்தப்படும் மிக் 29 வகை விமானங்களை சேர்ந்தவை. இவற்றில் உள்ள நவீன வசதிகளை சமீபத்தில்பெங்களூரில் நடைபெற்ற சர்வதேச விமானக்கண்காட்சியில் இந்திய விமானப்படை அதிகாரிகள் பார்வையிட்டனர்.

மேலும், மிக்27 ரக விமானங்களை பழுது நீக்குவதற்கும் கூடுதல் வசதிகள் செய்து தருவதற்குமான திட்டம் ஒன்றை மிக் நிறுவனம் இந்தியகடற்படையிடம் அளித்துள்ளது. இதே பணியை செய்வதற்காக இஸ்ரேல் விமான நிறுவனங்களும் இந்திய அரசுடன் பேச்சுவார்த்தை நடத்தி வந்ததுகுறிப்பிடத்தக்கது.

ஐ.ஏ.என்.எஸ் - யு.என்.ஐ.