சிகரெட் விலை உயரும்

டெல்லி :

சிகரெட், பீடி மீது 15 சதவீதம் கூடுதல் வரி விதிக்கப்பட்டுள்ளது. பான் மசாலா மீதான வரி 55 சதவீதத்திலிருந்து 60 சதவீதமாகஉயர்த்தப்படுகிறது.

இதன் மூலம் கிடைக்கும் நிதி தேசிய இயற்கை சீரழிவு அவசர நிதியில் சேர்க்கப்படும்.

அடிப்படைக் கட்டமைப்புப் பணிகளுக்காக செலவிடப்படும் நிதிக்கு 10 ஆண்டுகளுக்கு வரி விலக்கு அளிக்கப்படுகிறது.இதனால், சாலைகள் அமைப்பு, நெடுஞ்சாலைப் பணிகள், நீர் வழிப் பாதைகள் அமைத்தல், குடிநீர் வசதி செய்து கொடுத்தல், நீர்ப்பாசனம், துப்புறவுப் பணி, திடக் கழிவுகள் அப்புறப்படுத்துதல் போன்ற பணிகளுக்கு முதலீடு செய்யப்படும் நிதிக்கு அடுத்த 10ஆண்டுகளுக்கு வரி இருக்காது.

இண்டர்நெட் சர்வீஸ் புரோவைடர்ஸ், பிராட் பாண்ட் நெட்வோர்க் ஆகிய நிறுவனங்களுக்கு அடுத்த 5 ஆண்டுகளுக்கு வரிவிதிக்கப்படாது. 5வது ஆண்டிலிருந்து அடுத்த 5 ஆண்டுகளுக்கு வரியில் 30 சதவீதம் விலக்கு அளிக்கப்படும்.

டி.விக்களில் நடத்தப்படும் போட்டிகள், குவிஸ் ஆகியவற்றில் பங்கேற்று பொதுமக்கள் வெல்லும் நிதிக்கு வரி குறைக்கப்படுகிறது.இனி இதற்கு 30 சதவீதம் தான் வரி விதிக்கப்படும். இந்தியாவில் ஒளிபரப்பாகும் வெளிநாட்டு தொலைக்காட்சி சேனல்கள் இனிஇந்தியாவிலும் வரி கட்ட வேண்டும்.

ஸ்கூட்டர்கள், மோட்டார் சைக்கிள்கள், டாக்சிகள் மீதான 8 சதவீத சிறப்பு எக்ஸைஸ் வரி நீக்கப்படுகிறது.