தங்கம், கம்ப்யூட்டர் விலை குறையும்
டெல்லி:
தங்கத்தின் மீதான வரி குறைக்கப்பட்டுள்ளது. இதனால் தங்கத்தின் விலை 10 கிராமுக்கு 150 ரூபாய் குறையவுள்ளது.
இப்போது 10 கிராம் தங்கத்துக்கு 400 ரூபாய் வரி விதிக்கப்பட்டுள்ளது. இந்த வரி 250 ரூபாயாகக் குறைக்கப்பட்டுள்ளது.இந்தியாவுக்குள் தங்கம் கடத்தி வரப்படுவதைத் தடுக்கத் தான் வரி குறைக்கப்படுவதாக நிதியமைச்சர் யஷ்வந்த் சின்ஹா ததுபட்ஜெட் உரையில் குறிப்பிட்டார்.
கம்ப்யூட்டரின் விலை குறையும்:
அதே போல கம்ப்யூட்டர் மற்றும் தொலைத் தொடர்பு சாதனங்கள் மீதான வரியும் 15 சதவீதம் குறைக்கப்பட்டுள்ளது. இதனால்,இந்தப் பொருள்களின் விலை நாளை முதல் குறையும். வரும் 2003ம் ஆண்டு முதல் இந்தப் பொருள்களுக்கு ஒட்டுமொத்தமாகவரி விலக்கு அளிக்கப்படும் எனவும் சின்ஹா அறிவித்துள்ளார்.
சாப்ட்வேர் நிறுவனங்கள் மற்றும் சாப்ட்வேர் டெக்னாலஜி பார்க் போன்றவற்றில் அமைந்துள்ள நிறுவனங்கள் பிற நாடுகளுக்குஆன்-லைனில் வழங்கும் சேவைகளுக்கு வரி விலக்கு அளிக்கப்படும்.
இந்த ஆண்டு இந்தியாவின் சாப்ட்வேர் ஏற்றுமதி 6.2 பில்லியன் டாலராக இருக்கும் எனத் தெரிகிறது. அடுத்த ஆண்டில் இது 9.4சதவீதமாக உயரும். ஆண்டுதோறும் 50 சதவீத வளர்ச்சியை எட்டி வரும் சாப்ட்வேர் தொழில்துறைக்கு தொடர்ந்து வரி விலக்குஅளிக்கப்படும்.