இந்திய-ஆப்பிரிக்க போட்டி: பட்ஜெட்டில் நிதி ஒதுக்கீடு
டெல்லி:
இந்திய-ஆப்பிரிக்க விளையாட்டுப்போட்டிகள் நடத்த 20 கோடி ரூபாயை ஒதுக்கீடு செய்துள்ளார் மத்தியநிதியமைச்சர் யஷ்வந்த் சின்ஹா.
2001-02ம் ஆண்டிற்கான மத்திய பட்ஜெட்டில் மத்திய இளைஞர் நலன் மற்றும் விளையாட்டுத்துறைக்கான நிதிஒதுக்கீடு குறித்த ஒரு பார்வை:
விளையாட்டு மற்றும் இளைஞர் நலத்துறைக்கான மொத்த ஒதுக்கீடு 55 கோடி ரூபாய் அதிகரிக்கப்பட்டு 315 கோடிரூபாயாக அளிக்கப்பட்டுள்ளது. அவற்றில் 173.15 கோடி ரூபாய் விளையாட்டு நடவடிக்கைகளுக்காக மட்டும்பயன்படுத்தப்பட வேண்டியது.
நிதி அதிகரிக்கப்பட்ட இனங்கள்:
இந்திய விளையாட்டு ஆணையகத்திற்கான நிதி ஒதுக்கீடு 8 கோடி ரூபாய் அதிகரிக்கப்பட்டு 98.74 கோடிரூபாயாக அளிக்கப்பட்டுள்ளது.
செயற்கை ஓடு தளம் மற்றும் செயற்கை மேற்பரப்பு அமைப்பதற்கான நிதி 3.40 கோடி ரூபாய் அதிகரிக்கப்பட்டு5.40 கோடி ரூபாயாக அளிக்கப்பட்டுள்ளது.
வடகிழக்கு மாநிலங்களில் விளையாட்டுத்துறையை ஊக்குவிக்க கடந்தாண்டு ஒதுக்கப்பட்ட நிதியோடு 2 கோடிரூபாய் அதிகரித்து 23.45 கோடி ரூபாயாக அளிக்கப்பட்டுள்ளது.
குறைக்கப்பட்ட இனங்கள்:
தேசிய விளையாட்டு பேரவைகளுக்கான நிதி ஒதுக்கீடு 6.33 கோடி ரூபாய் வெட்டப்பட்டு 17.50 கோடி ரூபாயாகஅளிக்கப்பட்டது.
விளையாட்டுத்துறைக்கான உள்கட்டமைப்பு வசதிகளுக்கான ஒதுக்கீடு ஒன்றரை கோடி குறைக்கப்பட்டு 2 கோடிரூபாய் மட்டும் ஒதுக்கப்பட்டுள்ளது.
விளையாட்டு வளர்ச்சிக்கு அளிக்கப்படும் ஊக்குவிப்புத் தொகைக்கு 40 லட்சத்தை குறைத்து 3.60 கோடிஒதுக்கியுள்ளார் சின்ஹா.
இளைஞர் நலத் துறையின் கீழ் வரும் பல்கலைக்கழக மானியக்குழுவிற்கு 50லட்ச ரூபாய் வெட்டப்பட்டு 4.50கோடி ரூபாய் ஒதுக்கப்பட்டது.
யு.என்.ஐ.