கம்யூ.தொண்டர் மீது ஸ்டாலின் ஆதரவாளர்கள் தாக்கு

சென்னை:

சென்னை மேயரும், முதல்வர் கருணாநிதியின் மகனுமான ஸ்டாலினைப் பற்றி தவறாகப் பேசிய மார்க்சிஸ்ட் கம்யூனிஸ்ட் கட்சித் தொண்டரை பொதுக் கூட்டம்ஒன்றில் வைத்து 6 பேர் கொண்ட கும்பல் ஒன்று தாக்கியது.

இந்தத் தாக்குதலில் அவர் படுகாயமடைந்தார்.

தாக்குதல் சம்பவம் குறித்துப் போலீஸார் கூறுகையில், 6 பேர் கொண்ட கும்பலால் மார்க்சிஸ்ட் கம்யூனிஸ்ட் கட்சியைச் சேர்ந்த செண்பகமூர்த்தி என்பவர்(39) படுகாயமடைந்த நிலையில் மருத்துவமனையில் சிகிச்சை பெற்று வருகிறார்.

அக்கும்பலைத் தேடி வருகிறோம். அவர்கள் மேயர் ஸ்டாலின் ஆதரவாளர்களாக இருக்கலாம் என்றனர்.

யு.என்.ஐ.