இன்டர்நெட் போலீஸ் 110

பெய்ஜிங்:

கலாசார சீரழிவை ஏற்படுத்தக் கூடிய வெப்சைட்களை தடை செய்யும் வகையிலான சாப்ட்வேர் ஒன்றை சீனாவின் பொதுமக்கள் பாதுகாப்புத் துறைவெளியிட்டுள்ளது.

இனிமேல் சீன மக்கள் நெட்டில் புகுந்து புளூ பிலிம் சைட்டுகள், வன்முறையை தூண்டும் மேற்கத்திய கலாசார சைட்டுகள் போன்றவற்றை பார்க்கமுடியாது.

இவற்றை இருட்டடிப்பு செய்யக் கூடிய வகையில் இன்டர்நெட் போலீஸ் 110 என்ற மென்பொருள் ஒன்றை சீனா தயாரித்துள்ளது. வீடுகள், இன்டர்நெட்மையங்கள், பள்ளிகள் போன்றவற்றின் உபயோகத்திற்காக தனித்தனி மென்பொருள்கள் உருவாக்கப்பட்டுள்ளன.

இந்த மென்பொருள் கட்டாயமா இல்லையா என உறுதியாக கூறாத போலீஸ் அதிகாரியொருவர், இதன் வரவால் இன்டர்நெட் உபயோகம்உருப்படியாக இருக்கும் என்கிறார்.

இன்டர்நெட் உபயோகத்தை வர்த்தகம் மற்றும் கல்வியின் தேவைகளுக்கு முழுமையாக பயன்படுத்தும் பொருட்டு பல்வேறு நடவடிக்கைகளை சீனாஎடுத்து வந்தது.

எல்லா வெப்சைட்டுகளையும் கண்காணித்து விரும்பத்தகாத சைட்டுகளை இருட்டடிப்பு செய்து வந்தது சீனா. ஆனால், அவற்றையெல்லாம் சமாளித்து தங்களதுசைட்டுகளை திறம்பட நடத்தி வந்தன பாலுங் காங் போன்ற அமைப்புகள்.