சுதர்ஸனின் கருத்துக்கு முஸ்லீம் அமைப்பு எதிர்ப்பு
ஹைதராபாத்:
இந்திய முஸ்லீம்கள் இந்து பெயரையும் சேர்த்துக் கொள்ள வேண்டும் என்ற ஆர்.எஸ்.எஸ்.தலைவர் சுதர்ஸன் கூறியதற்கு ஆந்திரபிரதேச முஸ்லீம் தலைவர்ஒருவர் எதிர்ப்பு தெரிவித்துள்ளார்.
மஜ்லிஸ் - இ - இதிகாதுல் - முஸ்லிமீன் இயக்கத் தலைவரும், ஆந்திர மாநில எம்.எல்.ஏ.வுமான சுல்தான் சலாஹூதின் ஓவாய்ஸி ஹைதராபாத்நிருபர்களிடம் தெரிவித்த போது,
பல மாநிலங்களில் தேர்தல் நடைபெற உள்ள நிலையில், பாரதீய ஜனதா கட்சிக்கு
ஆதரவு திரட்டும் முயற்சியில் உள்ள சுதர்ஸனின் கருத்துகள் ஆத்திரமூட்டுபவையாக இருப்பதுடன் இனக் கலவரத்திற்கும் வழிவகுக்கும்.
இந்தியாவோடு இணைந்தவர்கள் முஸ்லீம்கள், அவர்கள் மதிக்கும் அல்லாவை பற்றி தவறான கருத்துகள் பரப்பினால் முஸ்லீம்கள் பொறுத்துக்கொள்ள மாட்டார்கள்.
உலகெங்கும் பரவியுள்ள இஸ்லாம் மதத்தினரை குறிப்பிட்ட கலாசாரத்தை பினபற்ற வேண்டும் என மற்றவர்கள் அறிவுறுத்த முடியாது என்றார்.
ஐ.ஏ.என்.எஸ்.