சென்னைக்கு மேலும் 1,000 தண்ணீர் தொட்டிகள்

சென்னை:

சென்னை நகரில் குடிநீர் விநியோகத்திற்காக ரூ. 4.5 கோடி மதிப்பில் 1,000 குடிநீர்த் தொட்டிகளை மெட்ரோ வாட்டர் வாரியம் அமைத்து வருகிறது.

இதுகுறித்து மெட்ரோ வாட்டர் தரப்பில் வெளியிடப்பட்ட அறிக்கையில், நகர் முழுவதும் குடிநீர் விநியோகத்திற்காக ரூ. 4.5 கோடி மதிப்பில் 1000குடிநீர்த் தொட்டிகள் வைக்கப்பட்டு வருகின்றன. இப்பணி விரைவில் முடிவடையும்.

இதுதவிர, ரூ. 2.90 கோடி மதிப்பில் கைப்பம்புகள் அமைக்கும் பணியும் நடந்து வருகிறது. இதன் மூலம் சென்னை நகர மக்களுக்கு குடிநீர்விநியோகிக்கப்படும் என்று தெரிவிக்கப்பட்டிருந்தது.