த.மா.கா.வில் நடிகை ஜெயராகினி

சென்னை:

அரசியலில் நடிகர், நடிகைகள் ஆதரவை பல அரசியல் கட்சிகளும் நாடி வருகின்றன. தமிழ் மாநில காங்கிரஸ் கட்சியும் தன் பங்கிற்கு இப்போது ஒரு நடிகையைதன் கட்சியில் சேர்த்துக் கொண்டுள்ளது.

பாண்டியராஜனின் நல்லமனசுக்காரன் திரைப்படம் மூலம் திரையுலகிற்கு அறிமுகமானவர் நடிகை ஜெயராகினி. இவர் இப்போது சத்யராஜ் நடிக்கும்ஆண்டான் அடிமை படத்திலும் நடித்து வருகிறார்.

இவரது குடும்பத்தினர் ஹோட்டல் நடத்தி வருகின்றனர். ஓட்டல் கான்டிராக்ட் விஷயமாக சிபாரிசு கேட்டு தமிழ் மாநில காங்கிரசின் தலைமையகமானசத்தியமூர்த்தி பவனுக்கு சென்றிருந்தார் ராகினி. அவரை உடனடியாக கட்சியில் சேர்த்துக் கொண்டு விட்டது த.மா.கா.

தான் கட்சியில் இணைந்தது குறித்து ராகினி கூறுகையில் எனது தாத்தா முன்னாள் எம்.எல்.ஏ. ஆண்டி அம்பலத்தோட நண்பர். அதனால் எனக்கு சிறு வயதுமுதலே அரசியலில் ஆர்வம் உண்டு.

எனக்கு பிடித்த தலைவர் மூப்பனார். அதனால் அவர் கட்சியில் இணைந்துள்ளேன். பிரசாரத்துக்கு தேவை என்றால் கிளாமராக உடை அணிந்து செல்வேன்என்றார்.