திபெத்தில் நிலநடுக்கம்

பீஜிங்:

திபெத்தில் உள்ள கிராமப்பகுதியில் செவ்வாய்க்கிழமை அதிகாலை 6.4 என்ற ரிக்டர் அளவில் நிலநடுக்கம் ஏற்பட்டதாக சீனாவிலுள்ள சின்ஹா செய்திநிறுவனம் தெரிவித்துள்ளது.

இந்த நிலநடுக்கம் திபெத்தில் உள்ள நைய்மா என்ற நகரைச் சுற்றியுள்ள கிராமங்களில் ஏற்பட்டது. நிலநடுக்கத்தில் உயிர்ச்சேதம், பொருட்சேதம்எதுவும் ஏற்படவில்லை.

நிலநடுக்கம் ஏற்பட்டவுடன் வீடுகளிலிருந்த மக்கள் தங்கள் வீடுகளை விட்டு வெளியேறி ஓடினர். பின்னர் சில மணி நேரங்கள் கழித்து தங்கள் வீடுகளுக்குச்சென்றனர்.

இவ்வாறு சின்ஹா செய்தி நிறுவனம் தெரிவித்துள்ளது.