பர்ஹத்தின் அனுபவமின்மை: விளாசுகிறார் மியான்தத்

ஆக்லாந்து:

பாகிஸ்தான் வீரர் இம்ரான் பர்ஹத்தின் ஆட்டம் அவரது அனுபவமின்மையை காட்டுவதாக அந்த அணியின் பயிற்சியாளர் ஜாவேத் மியான்தத் வருத்தத்துடன்தெரிவித்த்ார்.

நியூஸிலாந்திற்கு எதிரான முதலாவது டெஸ்ட் போட்டியின் 3ம் நாள் ஆட்ட நேர இறுதியில் 2வது இன்னிங்ஸில் பாகிஸ்தான் 3விக்கெட்டுகளை இழந்து98ரன்களை எடுத்திருந்தது.

அந்த அணியின் புதிய வீரரான இம்ரான் பர்ஹத் 63ரன்கள் எடுத்திருந்த நிலையில், ஆட்டத்தின் கடைசி ஓவரில் தேவையற்ற வகையில் அடித்து ஆட முயன்றுஆட்டமிழந்தார். அனுபவம் உள்ள வீரர்கள் அவ்வாறு விளையாட மாட்டார்கள்.

தனது அனுபவமின்மையால் பர்ஹத் அவ்வாறு விளையாடி விட்டதாக வருத்தப்படுகிறார் அணியின் பயிற்சியாளர் மியான்தத். இது போன்ற அனுபவங்கள்பர்ஹத்திற்கு தேவைதான் என்ற மியான்தத்,

பாகிஸ்தானின் ஆட்டம் முதல் டெஸ்டில் திருப்திகரமாக இருந்து வருகின்ற போதிலும், 4ம் நாள் ஆட்டத்தை பொறுத்தே நியூஸிலாந்திற்கான இலக்குமுடிவாகும் என தெரிவித்தார்.