ஜனாதிபதிக்கு அறுவை சிகிச்சை

டெல்லி:

உடல் நலன் பாதிக்கப்பட்டுள்ள இந்திய குடியரசு தலைவர் கே.ஆர்.நாராயணன் தனியார் மருத்துவமனையில் அனுமதிக்கப்பட்டு உள்ளார்.

பித்தப் பையில் (கால் பிளாடர்) உருவாகியுள்ள கற்களை அகற்றுவதற்காக டெல்லியில் உள்ள கங்காராம் மருத்துவமனையில் புதன்கிழமைசேர்க்கப்பட்டார் நாராயணன்.

வியாழக்கிழமை அவருக்கு அறுவைசிகிச்சை நடைபெறுகிறது. மருத்துவமனையில் குடியரசுத்தலைவரை சந்திக்க யாரும் அனுமதிக்கப்பட மாட்டார்கள்என குடியரசுத் தலைவர் மாளிகை செய்திக்குறிப்பு தெரிவிக்கிறது.

கடந்த ஒரு வாரமாக நிகழ்ச்சிகள் எதிலும் குடியரசுத்தலைவர் கலந்து கொள்ளவில்லை. முன்னதாக, ஏப்ரல் மாதத்தில் கிரீஸ் மற்றும் அயர்லாந்துநாடுகளுக்கு மேற்கொள்ள இருந்த சுற்றுப்பயணத்தையும் உடல் நலக் குறைவு காரணமாக ரத்து செய்தார் குடியரசுத் தலைவர் நாராயணன்.

ஐ.ஏ.என்.எஸ்.