• search
For Quick Alerts
ALLOW NOTIFICATIONS  
For Daily Alerts

விண்டோஸ், லினக்ஸை தாக்கும் வினக்ஸ் வைரஸ்

By Staff
|

சான் பிரான்ஸிஸ்கோ:

விண்டோஸ் மற்றும் லினக்ஸ் இரண்டையும் தாக்கும் புதிய வகை வைரஸ் ஒன்று பரவி வருகிறது.

முதல் முறையாக விண்டோஸ் மற்றும் லினக்ஸ் ஆபரேட்டிங் சிஸ்டத்தில் இயங்கும் கம்ப்யூட்டர்களை பாதிக்கக்கூடிய டபிள்யூ32.வினக்ஸ் என்ற வைரஸ் பற்றியதகவல்கள் வெளியாகி உள்ளன.

இதுவரை கண்டுபிடிக்கப்பட்ட வைரஸ்கள், விண்டோஸ் அல்லது லினக்ஸ் ஆபரேட்டிங் சிஸ்டங்களில் ஏதாவது ஒன்றை மட்டுமே பாதித்து வந்தன.

தற்போது கண்டுபிடிக்கப்பட்டுள்ள வைரஸ் இரண்டு ஆபரேட்டிங் சிஸ்டங்களையும் பாதிக்க கூடியதால் அவற்றிற்கு வினக்ஸ் (விண்டோஸ் + லினக்ஸ்) எனபெயரிட்டு உள்ளனர்.

மற்ற வைரஸ்களை போல் பாதிப்பை ஏற்படுத்தாது இந்த வினக்ஸ் வைரஸ். இதுவரை எந்த கம்ப்யூட்டரையும் இந்த வைரஸ் பாதித்ததாக தகவல்களும்இல்லை.

இந்த வைரஸ்களால் பாதிக்கப்பட்ட புரோகிராம்களை டபுள் கிளிக் செய்தால் இவை தங்களது வேலையை துவக்கி விடும். இந்த வினக்ஸ் வைரஸ்மற்றவை போல் வேகமாக பரவக்கூடியது அல்ல.

இன்டர்நெட் மூலம் மற்ற கம்ப்யூட்டர்களுக்கு பரவாது. அது போல் இந்த வைரஸ்கள் பெண்டியம் பிராசசர்கள் பயன்படுத்தப்படும் கம்ப்யூட்டர்களைமட்டுமே பாதிக்கிறது. இத்தகைய வைரஸ்கள் உருவாக்க சாத்தியமில்லை என்றே இதுவரை கருதப்பட்டு வந்தது.

தற்போது கண்டுபிடிக்கப்பட்டு உள்ள இந்த வைரஸ் உண்மையாக இருந்தால், அது வைரஸ்களை உருவாக்குபவர்களின் திறமையில் ஏற்பட்டுள்ளமுன்னேற்றத்தையே குறிக்கும் என்கிறார் கீத் பீர். இவர் வைரஸ் எதிர்ப்பு புரோகிராம்களை உருவாக்கும் நிறுவனமான மெதினாவின் நிர்வாகி.

ஆனால், இத்தகைய வைரஸ் பற்றி தகவல் இல்லை என்கிறது ஆன்டி வைரஸ் புரோகிராம்களை உருவாக்கும் மற்றொரு நிறுவனமான மெக்காஃபிடாட் காம்.

வினக்ஸ் என இந்த வைரஸிற்கு பெயரிட்டவர்கள் சென்ட்ரல் கமாண்ட் நிறுவனத்தினர். செக். குடியரசு பகுதியில் இருந்து இ-மெயில் மூலம் இந்த வைரஸ்இவர்களுக்கு அனுப்பப்பட்டு உள்ளது.

இந்த வைரஸை உருவாக்கியவர் பெயர் பென்னி என குறிப்பிடப்பட்டு உள்ளது. இவர் வைரஸ்களை உருவாக்கி வரும் 29 ஏ என்ற அமைப்பை சேர்ந்தவர்என கருதப்படுகிறது.

வரன் தேடுகிறீர்களா? தமிழ் மேட்ரிமோனியில் இன்றே பதிவு செய்யுங்கள் - பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X