தமிழக மக்கள் தொகை 11.19 சதவீதம் அதிகரிப்பு

சென்னை:

தமிழகத்தில் கடந்த பத்தாண்டுகளில் மக்கள் தொகை 11.19 சதவீதம் அதிகரித்துள்ளது. எண்ணிக்கையின் அடிப்படையில் பார்த்தால், 62 லட்சத்து 51 ஆயிரத்து893 பேர் கடந்த 10 ஆண்டுகளில் பிறந்துள்ளனர் மற்றும் தமிழகத்தில் குடியேறியுள்ளனர்.

திருவள்ளூர் மாவட்டத்தில் தான் மக்கள் தொகை வளர்ச்சி அதிகம்(22.35%). கன்னியாகுமரி மாவட்டத்தில் குறைவான மக்கள் தொகைவளர்ச்சி(4.34%) இருந்துள்ளது.

தமிழக மக்களில் 4 கோடியே 6 லட்சம் மக்கள் (73.47%) கல்வியறிவு பெற்றுள்ளனர்.

இத்தகவல்கள் அனைத்தும் சென்னையில் வெளியிடப்பட்ட மக்கள்தொகை குறித்த முதல் பட்டியலில் உள்ளன.

இவற்றை வெளியிட்ட தமிழக மக்கள் தொகை கணக்கெடுப்பு மைய இயக்குநர் சந்திரமவுலி, கணக்கெடுப்பு பற்றிய முழு அறிக்கை வெளிவர 18மாதங்கள் ஆகும் என்றார்.