நடுவானில் சீன- அமெரிக்க போர் விமானங்கள் மோதல்

வாஷிங்டன்:

சீன விமானம் மோதியதால் நிலை தடுமாறிய அமெரிக்க கப்பற்படை விமானம் சீனாவின் கட்டுப்பாட்டில் உள்ள ஹைனன் தீவில் அவசரமாகத்தரையிறங்கியது. அதில் பயணம் செய்த 24 வீரர்களையும் மீட்கும் நடவடிக்கையில் அமெரிக்கா ஈடுபட்டுவருகிறது.

தென்சீன கடல் பகுதிகளில் ஞாயிற்றுக்கிழமை தனது வழக்கமான கண்காணிப்பு பணியில் ஈடுபட்டு இருந்த அமெரிக்க கப்பற்படை விமானத்தைசீனாவின் போர் விமானங்கள் இடைமறித்ததால் இரு விமானங்களும் நடுவானில் மோதிக்கொண்டன.

இதில் பாதிக்கப்பட்ட 24 அமெரிக்க வீரர்களை கொண்ட கப்பற்படை விமானம் உடனடியாக சீனாவின் தென்பகுதியில் உள்ள ஹைனன் தீவில்தரையிறக்கப்பட்டது.

இச்சம்பவத்தை அடுத்து, அமெரிக்க விமானங்கள் வழக்கமான கண்காணிப்பு பணியில் ஈடுபடுவதை சீனா தேவையற்ற வகையில் தடுத்துவருகிறது எனஅமெரிக்க கப்பற்படையின் பசிபிக் பிராந்திய அதிகாரி டென்னிஸ் பிளேர் குற்றம் சாட்டினார்.

சீனாவை ரகசியமாக கண்காணிக்கும் பணியில் ஈடுபட்டு வந்த இந்த விமானத்தை பத்திரமாக மீட்க சீனாவிற்கான அமெரிக்க தூதர், சீனவெளியுறவுத்துறை துணை மந்திரியை ஞாயிற்றுக்கிழமை மாலை சந்தித்து பேச்சுவார்த்தை நடத்தினார் என அமெரிக்க அரசு வட்டாரங்கள் தெரிவித்தன.

இதனிடையே, இந்த விபத்தில் பாதிக்கப்பட்ட சீன விமானத்தின் விமானியை காணவில்லை என சீன பத்திரிகைசின்குவா தகவல் வெளியிட்டு உள்ளது.

ஐ.ஏ.என்.எஸ்.