ராவுத்தருக்காக மூப்பனாரிடம் தூது போன விஜயகாந்த்
சென்னை:
சினிமா படத்தயாரிப்பாளரும், தனது நெருங்கிய நண்பருமான இப்ராஹிம் ராவுத்தருக்கு தேர்தலில் போட்டியிடசீட் தருமாறு மூப்பனாரிடம் வேண்டுகோள் விடுத்துள்ளார் விஜயகாந்த்.
நடிகர் விஜயகாந்தும், தயாரிப்பாளர் இப்ராஹிம் ராவுத்தரும் நெருங்கிய நண்பர்கள். இருப்பினும் இருவரும் வேறு,வேறு கட்சியினர்.
விஜயகாந்த் திமுகவைச் சேர்ந்தவர். ராவுத்தர் தமாகாவைச் சேர்ந்தவர். இவர் தமாகாவின் கலைத்துறை பிரிவுத்தலைவராக இருந்து வருகிறார்.
இதற்கிடையே, தமிழகத்தில் வரும் சட்டசபைத் தேர்தலில் தமாகா சார்பில் போட்டியிட விரும்புகிறார் ராவுத்தர்.ஆனால் சீட் கிடைக்குமா என்பதில் அவருக்கு சந்தேகம் இருந்தது.
இதனால் அவர், தனக்கு சீட் ஒதுக்கும்படி மூப்பனாரிடம் கேட்குமாறு விஜயகாந்திடம் கூறியுள்ளார்.
இதையடுத்து மூப்பனாரைப் பார்க்கச் சென்ற விஜயகாந்த் அவர் உடல்நலம் குறித்து விசாரித்து விட்டு ராவுத்தருக்குஇந்தத் தேர்தலில் தமாகா சார்பில் போட்டியிட சீட் ஒதுக்குமாறு வேண்டுகோள் விடுத்துள்ளார்.